ذوقِ سخن (مجموعہ کلامِ رفعتؔ برکاتی)

محترم قارئین! ناچیز نے مختلف مواقع پر سوشل میڈیا واٹس اپ، ٹیلی گرام پر منعقد ہونے والے مشاعروں میں شریک ہو کر جو اشعار لکھے ہیں ان کو یہاں پیش کیا جا رہا ہے، ان میں سے چند دیگر خاص مہینے یا اوقات میں بھی کہے گئے، جن کو آپ سمجھ لیں گے۔ ضروری گزارش یہ ہے کہ کہیں کسی قسم کی خامی یا غلطی نظر آئے تو مطلع فرمائیں تاکہ اس کی تصحیح کی جا سکے۔ 

ــــــــــــــــــــــــ ــــــــــــــــــــــــ ــــــــــــــــــــــــ

    کلام نمبر 1  

جوہر قلم کے ٦١ ویں طرحی مشاعرے 

میں کہا گیا حمدیہ کلام پیش ہے 

ــــــــــــــــــــــــ ــــــــــــــــــ ــــــــــــــــــــــــ 

زمیں، آسماں، باد و کوہسار یارب 

کرے تری قدرت کا اظہار یارب

یہ جھرنے،یہ پت جھڑ،یہ شاداب گلشن

بہت خوبصورت ہیں شہ کار یارب 

 خوشی میں رہوں یا کہ غم میں ہمیشہ 

تِرے فضل کا ہوں طلب گار یارب

زمانے کی تبدیلیوں میں ہے مخفی

تری شانِ وحدت کے انبار یارب

بڑا رحم والا ہے بندوں پہ اپنے 

مگر ظالموں پر ہے قہار یارب

 مرے نفس دشمن کی اصلاح فرما

گناہوں پہ کرتا ہے اصرار یارب 

مِرے عیب محشر میں مستور رکھنا

کہ ستار ہے تو ہے غفار یارب 

نبی کے وسیلے سے مقبول فرما

لکھے ہیں جو رفعتؔ نے اشعار یارب 

 ـــــــــــــــــــــــــــــــــــــ رفعتؔ برکاتی

ذوقِ سخن شاعری گروپ کے طرحی مشاعرہ میں کہے گئے "حمدِ باری تعالٰی" کے اشعار ہدیۂ قارئین ہیں ملاحظہ فرمائیں:

──━∘◕○ حمدِ باری تعالیٰ ○◕∘━──

ہے لاریب تیرا یہ احسان یارب 

بنایا ہمیں اہلِ ایمان یارب 

ہماری ہدایت کی خاطر ہی تونے 

نبی پر اتارا ہے قرآن یارب 

یہی ہم نے دیکھا یہی ہم نے پایا 

”نمایاں ہے ہرسو تری شان یارب“

تجھے واسطہ تیرے پیارے نبی کا

بنا ہم کو سچا مسلمان یارب

مجھے مال و زر کی تمنا نہیں ہے

عطا کردے اپنا ہی عرفان یارب

گناہوں نے خاکِ مذلّت میں ڈالا

مصاحب ہوا میرا شیطان، یارب

مجھے نیکیوں کی سعادت عطا کر 

گناہوں سے ہوں میں پریشان یارب

انہیں نیک کر دے انہیں ایک کر دے

جو باہم ہیں دست و گریبان یارب

بجز تیری شانِ کریمی بھلا اب

کہاں میری بخشش کا سامان یارب

  بہت قلبِ رفعتؔ کو دیتا ہےتسکین

”وَلَاتَحْزَنُوْا“ تیرا فرمان یارب

✍…………………… رفعتؔ برکاتی

ــــــــــــــــــــــــ ــــــــــــــــــــــــ ــــــــــــــــــــــــ

سرورِ کائنات، فخرِ موجودات خاتم الانبیاء و المرسلین، 

رحمۃ اللعالمین، احمدِ مختار مدینے کے تاجدار، احمدِ مجتبیٰ

محمد مصطفےٰ  ﷺ

کی مقدس بارگاہ میں منظوم خراجِ عقیدت 

ــــــــــــــــــــــــ ــــــــــــــــــــــــ ــــــــــــــــــــــــ

    کلام نمبر 2  

ذوقِ سخن شاعری گروپ کے ٩٤ واں 

  نعتیہ مشاعرہ میں کہا گیا کلام 

✶⊶⊷⊶⊷❍⊶⊷⊶⊷✶

جو عاشق ہیں ان کی دوا لکھ رہا ہوں 

مدینے کی خاکِ شفا لکھ رہا ہوں 

مِرے دل کی ہے جو صدا لکھ رہا ہوں

مدینے میں آئے قضا لکھ رہا ہوں

جہاں زندگی مسکراتی ہے ہر دم 

وہ ہے شہرِ خیر الوریٰ لکھ رہا ہوں

مجھے عظمتِ سروَرِ دیں ہے لکھنا 

تو میں سورۂ وَالضُّحیٰ لکھ رہا ہوں 

مِری خوش نصیبی کا عالم تو دیکھو 

میں نعتِ رسول خدا لکھ رہا ہوں 

سدا جن کے ٹکڑوں پہ پلتی ہے دنیا 

انہیں کی میں شانِ عطا لکھ رہا ہوں 

یہ ہے سنتِ حضرتِ ابنِ ثابت

کہ وصفِ شہِ انبیا لکھ رہا ہوں

جو ولیوں کی قدرت کا منکر ہے رفعتؔ 

میں اُس آدمی کو گدھا لکھ رہا ہوں 

✶⊶⊷⊶⊷❍⊶⊷⊶⊷✶

   کلام نمبر 3 

بزمِ سرکارِ کلاں کے طرحی مشاعرے 

میں کہا گیا کلام ملاحظہ فرمائیں۔۔۔ 

ــــــــــــــــــــــ ــــــــــــــــــ ــــــــــــــــــــــ 

رنگِ وفا چڑھا ہے مِری صبح و شام پر 

دل کا گزر بسر ہے درود و سلام پر 

اک آن میں حیات مِری پائے زندگی 

چشمِ عطا جو کر دیں دلِ تشنہ کام پر

روزہ نماز  پاس ہمارے تو ہے مگر 

بخشش کا بس مدار ہے خیر الانام پر

اے دافعِ بلا میری امداد کیجیے 

مشکل کا وقت آیا ہے عاصی غلام پر

دنیا ہو قبر ہو یا کہ میدانِ حشر ہو 

 سرکار کام آئیں گے ہر اک مقام پر

دشمن کو مسکرا کر دعائیں دیا کریں

شیدا ہوئی ہے دنیا اسی انتقام پر 

مقبولیت کی مہر لگا دیجئے شہا

رفعتؔ کے دل نواز نوشتہ کلام پر 

ــــــــــــــــــــــــــــــــــــــــ رفعتؔ برکاتی

   کلام نمبر 4 

 150 ویں مشاعرے میں کہا گیا کلام 

ــــــــــــــــــــــــ ــــــــــــــــــــــــــــ ــــــــــــــــــــــــ 

کبھی جو سرورِ دیں کا مجھے دیدار ہو جاتا

مِرا بھی خانۂ دل مطلعٔ انوار ہو جاتا

نصیبہ دیکھتے ہی دیکھتے بیدار ہو جاتا 

کرم جو آپ کا اے سیّدِ ابرار ہو جاتا

مقدر سے مرے ہاتھوں میں دامن آپ کا آیا

وگر نہ مَیں گناہوں سے ذلیل و خوار ہو جاتا

نظر صدّیقِ اکبر سی اگر بوجہل کی ہوتی 

اسے بھی شاہِ بطحا سے یقیناً پیار ہو جاتا

مِرا اے کاش آ جاتا بلاوا شہرِ طیبہ سے

تو میں بھی باندھ کر رختِ سفر تیار ہو جاتا

کوئی مانے نہ مانے سچ یہی ہے ڈوبنے والے 

نبی کا نام لے لیتے تو بیڑا پار ہو جاتا

 گزرتی زندگی شہرِ مدینہ کی فضاؤں میں 

زہے قسمت اگر رفعتؔ سگِ دربار ہو جاتا

ــــــــــــــــــــــــــ ــــــــــــــــــــــــــ رفعتؔ برکاتی

   کلام نمبر 5  

ذوقِ سخن شاعری گروپ کے ٥٣ ویں

نعتیہ طرحی مشاعری میں کہا گیا 

کلام احباب ملاحظہ فرمائیں۔۔۔ 

ــــــــــــــــــــــــ ــــــــــ ــــــــــــــــــــــــ 

نعتِ سرکارِ ہم سناتے ہیں 

یوں مقدر کو آزماتے ہیں 

اہلِ حق جب بھی گنگناتے ہیں 

عشق و عرفاں کے گل کھلاتے ہیں 

نجدیو! دور ہو کہ ہم سُنّی  

جن کا کھاتے ہیں اُن کا گاتے ہیں 

بخت میں نام ہے ان کا 

بزم سرکار جو سجاتے ہیں 

حق ہے اَلْمَوْتُ تُحْفَةُ الْمُؤمِنْ

قبر میں مصطفیٰ جو آتے ہیں

ہم تصوُّر میں گلشنِ طیبہ

روز جاتے ہیں روز آتے ہیں 

عشقِ سروَر میں ہو کے بے خود ہم 

نعت پڑھتے ہیں مسکراتے ہیں 

کہہ دیا سب نے اِذْھَبُوْا لیکن 

آپ عاصی کو بخشواتے ہیں 

کرلیا رب نے وعدۂ بخشش 

سر کو سجدے سے اب اٹھاتے ہیں 

جب غلامِ نبی کہے، دنیا

ہم تو پھولے نہیں سماتے ہیں

میرے آقا کے در پہ اے رفعتؔ 

رونے والے بھی مسکراتے ہیں

ــــــ ــــــــــــــــــــــــ ــــــ رفعتؔ برکاتی

   کلام نمبر 6 

ذوقِ سخن شاعری گروپ کا 

٥٢ واں نعتیہ طرحی مشاعرہ 

ــــــ ــــــــــــــــــــــــ ــــــــــــــــــــــــ ــــــ 

چراغِ محبت گھروں میں جلاؤ، حضور آ گئے ہیں حضور آ گئے ہیں 

پڑھو نعتِ سرکار اے خوش نواؤ، حضور آ گئے ہیں حضور آ گئے ہیں 

مچلنے لگا دل میں عشقِ رسالت، کہ پھر آ گئی ہے یہ صبحِ ولادت 

مسرت میں سب کو یہ مژدہ سناؤ، حضور آ گئے ہیں حضور آ گئے ہیں 

غموں کی چَھٹی دہْر سے بدلیاں اب، نہ درگور ہوں گی کبھی بیٹیاں اب 

 فضائیں ہیں دلکش کہ خوشیاں مناؤ، حضور آ گئے ہیں حضور آ گئے ہیں 

محلہ جو یہ عاشقوں کا سجا ہے، یہ فَلْیَفْرَحُوْا پر عمل ہو رہا ہے

تمہیں بھی خوشی ہے تو تم بھی سجاؤ، حضور آ گئے ہیں حضور آ گئے ہیں

تنی ہر طرف شادمانی کی چادر،  مچلنے لگے ســب مسرت میں آکر 

یہی ہے گھڑی خوب دھونی رماؤ، حضور آ گئے ہیں حضور آ گئے ہیں

یہی عشقِ سرکار کا ہے تقاضہ،  مِری شاعری کا یہی ہے خلاصہ 

کہ جلتے ہیں جو اس کو ہردم جلاؤ، حضور آ گئے ہیں حضور آ گئے ہیں

ثنا خوانیِ مصطفےٰ جانِ رحمت، ر ہے مشغلہ عمر بھر میرا رفعتؔ 

سرِ بزم اب نعتِ سروَر سناؤ، حضور آ گئے ہیں حضور آ گئے ہیں

ــــــ ــــــــــــــــــــــــــــــــ رفعتؔ برکاتی

  کلام نمبر 7 

جوہرِ قلم شاعری گروپ کے 58 واں

نعتیہ مشاعرہ میں کہا گیا کلام 

ــــــ ــــــــــــــــــــ ــــــــــــــ ــــــــــــــــــــــــ ــــــ 

مظہرِ ذاتِ خدا اھلاً وسھلاً مرحبا 

مصطفیٰ والمرتضیٰ اھلاً وسھلاً مرحبا 

صبحِ بارہویں کو یہ حور و ملک نے دی صدا 

 اے شہِ ارض و سما اھلاً و سھلاً مرحبا

بیٹیوں پر ظلم کا خنجر نہ چل پائےگا اب 

رحمتِ حق آ گیا اھلاً وسھلاً مرحبا 

چھٹ گئی ہیں ہر طرف سے کفر کی تاریکیاں 

آپ کیا آئے شہا اھلاً و سھلاً مرحبا 

آسماں پر چاند جب نکلا ربیع النور کا 

شور ہر جانب ہُوا اھلاً و سھلاً مرحبا 

سنَّتِ حسّاؔن پر کرتے ہوئے رفعتؔ عمل 

نعت میں نے بھی لکھا اھلاً و سھلاً مرحبا 

ــــــــــــــــــــــــ ــــــــــــــــــــــــ رفعتؔ برکاتی

   کلام نمبر 8  

ذوقِ سخن شاعری گروپ کا ٥٩ واں طرحی 

مشاعرہ میں کہے گئے چند اشعار 

ــــــــــــــــــــــــ ــــــــــــــــــــــــ ــــــــــــــــــــــــ 

گلِ حیات کبھی خوش نما نہیں ہوگا 

رسولِ پاک پہ دل گر فدا نہیں ہوگا 

اسے ہی پیرس و لندن کے حسن بھائیں گے

نظر میں جس کی مدینہ بسا نہیں ہوگا

بنایا خانۂ کعبہ کو قبلۂ مؤمن  

مرے حضور جو چاہیں تو کیا نہیں ہوگا

فضائے دہر میں گمنام ہی رہوگے تم  

رسولِ پاک سے جب رابطہ نہیں ہوگا 

مصیبتوں سے کنارہ تو غیر ممکن ہے 

کرم جو آپ کا یا مصطفیٰ نہیں ہوگا 

وہی تو شانِ نبی میں کریں گے گستاخی 

دلوں میں جن کے بھی خوفِ خدا نہیں ہوگا

وہی تو ہوگا قیامت میں دور آقا سے 

درود ان یہ جو رفعتؔ پڑھا نہیں ہوگا

ــــــــــــــــــــــــ ــــــــــــــــــــــــ رفعتؔ برکاتی

  کلام نمبر 9 

ذوق سخن شاعری گروپ کے ٥١ ویں نعتیہ 

مشاعرہ میں کہا گیا کلام پیش خدمت ہے 

ــــــــــــــــــــــــ ـــــــــــــــــــــــــــــــ ــــــــــــــــــــــــ 

ہر طرف بس اک صدا ہے مرحبا صد مرحبا 

وردِ لب صلِّ علیٰ ہے مرحبا صد مرحبا 

کیوں نہ ہم گھی کے دیئے روشن کریں اےسنّیو! 

آمدِ خیر الوریٰ ہے مرحبا صد مرحبا 

یارسول اللہ نازاں ہوں کہ آقا آپ کی 

دل میں میرے بھی وفا ہے مرحبا صد مرحبا 

وجہِ تخلیقِ دو عالم آپ ہیں یا مصطفےٰ 

جو بھی ہے وہ آپ کا ہے مرحبا صد مرحبا 

ظلمتوں کا ہوگیا ہے چاک سینہ واہ وا 

نورِ حق جلوہ نما ہے مرحبا صد مرحبا

حشر تک ڈالیں گے ہم پیدائشِ مولیٰ کی دھوم 

ہاں! یہ فرمانِ رضا ہے مرحبا صد مرحبا 

آمدِ سرکار پر ہے شادمانی ہر طرف 

اور شیطان رو رہا ہے مرحبا صد مرحبا

آسماں پر بارویں کا چاند چمکا دیکھ لو

رنگِ دنیا خوشنما ہے مرحبا صد مرحبا 

عیدمیلادُ النّبیْ کی یہ بہـاریں دیکھ کر 

قلبِ رفعتؔ جھومتا ہے مرحبا صد مرحبا

ازقلم ــــــــــــــــــــــــ ــــــــــــــــــــــــ رفعتؔ برکاتی

  کلام نمبر 10 

ذوقِ سخن شاعری گروپ کے ٥٠ ویں 

کے طرحی نعتیہ مشاعرہ میں کہا گیا

کلام احباب کرام ملاحظہ فرمائیں۔۔۔ 

ــــــــــــــــــــــــ ـــــــــــــــــ ــــــــــــــــــــــــ 

دیکھنا آئے گا جب بلاوا مِرا، پھر تو میرا مقدر چمک جائےگا 

میں بھی جاؤں گا شہرِ نبی جھوم کر، میری قسمت میں بھی ایسا دن آئے گا

نصِّ قطعی ہے نورِ خدا آپ ہیں، قاسمِ نعمت حق شہا آپ ہیں 

جس کو جو بھی ملا ہے ملا آپ سے، جو بھی پائے گا وہ آپ سے پائے گا

عشقِ سرور ہے سرمایۂ آخرت، منحصر ہے اسی پر مِری مغفرت

جس کو یہ دولتِ بے بہا مل گئی ، روز محشر سے پھر کیوں وہ گھبرائے گا 

عشقِ سرکار پر دل ہے نازاں مِرا، جب سے یہ جانفزا میں نے مصرع سنا 

آسماں پر اسے غسل دیں گے ملک، جو نبی کی محبت میں مر جائےگا

عمْر بھر ہاں یہی کام رفعتؔ کرے، رب کے محبوب کی خوب مدحت کرے

جو ملوث ہے توہین و تحقیر میں، دیکھنا روز محشر وہ پچھتائے گا

 ــــــــــــــــــــــــــــــــــــــــــــ رفعتؔ برکاتی

   کلام نمبر 11 

ذوق سخن کے طرحی مشاعرہ میں 

کہا گیا کلام احباب کی نذر

ــــــــــــــــ ــــــــــــــــ ــــــــــــــــ ــــــ 

دل کی دنیا کو جگمگاؤں گا

شمعِ عشقِ نبی جلاؤں گا

جب بھی جاؤں گا شہرِ طیبہ کو

نعت پڑھتے ہوئے میں جاؤں گا 

میرے حالات سے ہیں واقف وہ

کیسے رنج و الم چھپاؤں گا

ان کے قدموں میں ہے مِری جنت

پیر ماں کے نہ کیوں دباؤں گا

خاکِ طیبہ اے حاجیوں لانا

اپنی آنکھوں میں مَیں لگاؤں گا

شاہ احمد رضا کے نعرے سے

دیوبندی بلا بھگاؤں گا 

ڈوب کر بحرِ عشقِ سروَر میں 

ہر گھڑی نعت گنگناؤں گا 

لوگ جو بھی کہیں مگر رفعتؔ 

جن کا کھاتا ہوں ان کا گاؤں گا

نتیجۂ فکر ــــــــــــــــــــــ رفعتؔ برکاتی

  کلام نمبر 12 

بزمِ طرزِسخن کے طرحی مشاعرہ میں کہا ہوا

کلام احباب کی خدمت میں پیش کرتے ہیں۔ 

ــــــــــــــــــــــــ ــــــــــــــــــــــــ ــــــــــــــــــــــــ 

تطمئن القلب ہے یہ آزماکر دیکھ لو 

مصرعۂ نعتِ نبی تم گنگنا کر دیکھ لو 

چاہیئے مقبول حج کا گر تمہیں یارو ثواب 

جاؤ گھر ماں باپ کو تم مسکراکر دیکھ لو

باوقار و باوفا ہوگا یقیناً لاڈلا 

عشقِ احمد کا سبق اس کو پڑھا کر دیکھ لو

ہیچ ہوں گی پَیرِس و لندن کی ساری رونقیں 

گنبدِ خضریٰ کو آنکھوں میں بسا کر دیکھ لو 

دیدِ سروَر سے مشرف ہے یقیں ہو جاؤ گے 

ہجر طیبہ میں کبھی آنسو بہاکر دیکھ لو 

دور ہوں گی ظلمتیں رفعتؔ یقیناً قلب کی 

شمعِ عشقِ مصطفےٰ دل میں جلا کر دیکھ لو

ازقلم ــــــ ــــــــــــــــــــــــــــ ــــــ رفعتؔ برکاتی

  کلام نمبر 13 

ذوقِ سخن شاعری گروپ کے 60 واں طرحی 

نعتیہ مشاعرہ میں کہا ہوا کلام احباب کی نذر

ــــــــــــــــــــــــ ـــــــــــــــــــــــــــــــــــ ــــــــــــــــــــــــ 

خدایا دل پہ یہ تیری عنایت خوبصورت ہے 

مکینِ گنبدِ خضریٰ کی چاہت خوبصورت ہے

ہمارا بھی عقیدہ اب سنو اے نجدیو! ہم سے 

خیالِ مصطفےٰ میں ہی عبادت خوبصورت ہے 

فتاویٰ رضویہ جو بھی پڑھا بے ساختہ بولا

کہ ہاں! شاہِ بریلی کی فقاہت خوبصورت ہے

بہتّر فرقۂ باطل ہیں سب کے سب ہی بد صورت

فقط اک اہلِ سنت کی جماعت خوبصورت ہے

گلوں کے حسن و زیبائش ہیں دلکش دلنشیں بیشک

مگر خار مدینہ کی لطافت خوبصورت ہے

تمنا دید کی انگڑائیاں لینے لگی سن کر

بہارِ گلشنِ طیبہ نہایت خوبصورت ہے 

بکثرت حافظِ قرآن ہیں سارے زمانے میں 

الہٰی! یہ تِرا طرزِ حفاظت خوبصورت ہے 

دعا دیتے ہوئے کہتے ہیں اربابِ سخن مجھ سے 

ترے اشعار میں رفعتؔ سلاست خوبصورت ہے

ــــــــــــــــــــــــ ــــــــــ ــــــــــــــــــــــــ رفعتؔ برکاتی

   کلام نمبر 14 

جوہرِ قلم شاعری گروپ کے 63 ویں طرحی 

مشاعرہ میں کہا گیا کلام 

ــــــــــــــــــــــــ ــــــــــــــــــــــــ ـــــــــــــــــــــــــ 

فکر و فن کا ہر دریچہ ہر چمن مہکا دیا 

 نامِ پاکِ مصطفےٰ نے جب دہن مہکا دیا

جب جہالت کے تعفُّن سے پریشاں تھی زمیں

 آمدِ سرکار نے دھرتی گگن مہکا دیا 

ناز آخر کیوں نہ ہو مجھ ذرۂ ناچیز کو 

عشقِ سروَر نے مرا خاکی بدن مہکا دیا 

مختصر ایام میں مسحور کن اخلاق سے 

 رحمتِ عالم نے دستورِ زمن مہکا دیا

عاشقوں کی پھر نگاہوں کا مَیں تارا ہو گیا  

میں نے جب ذکرِ نبی سے انجمن مہکا دیا

گلشنِ طیبہ کا رفعتؔ دل میں آتے ہی خیال

 ایک لمحہ میں مِرا ذوقِ سخن مہکا دیا 

از قلم ـــــــــــــــــــــ ـــــــــــــــــــــ رفعتؔ برکاتی 

  کلام نمبر 15 

بزمِ سرکار کلاں کے ١٥ ویں طرحی مشاعرے 

میں کیا گیا کلام ملاحظہ فرمائیں۔۔۔ 

ــــــــــــــــــــــــ ـــــــــــــــــــــــــــــ ــــــــــــــــــــ 

رونقِ دہر سے کیا سروکار ہے 

جب نگاہوں میں طیبہ کا گلزار ہے 

ہاں مجھے اس حقیقت کا اقرار ہے

دل مِرا دشمننِ دیں سے بیزار ہے

مجھ کو رنج و الم سے نہیں خوف اب

ان کی چشمِ عطا میرا غمخوار ہے 

میرے دشمن بھی دینے لگے ہیں دعا

اسوۂ مصطفیٰ میرا کردار ہے 

دونوں عالم میں وہ محترم ہو گیا

 عشق میں جو محمد کے سرشار ہے

عقل حیراں ہے یہ معجزہ دیکھ کر

دستِ سرکار میں شاخ تلوار ہے

انتہا ہو گئی ہند میں ظلم کی 

یانبی چشمِ امداد درکار ہے 

شاعری کیوں نہ ہوگی بھلا دلنشیں

قلبِ رفعتؔ میں جب عشقِ سرکار ہے 

از قلم ــــــــــــــــ ــــــــــــــــ رفعتؔ برکاتی

 کلام نمبر 16 

عالمی شہرت یافتہ "فن شاعری" گروپ کے 

150 ویں مشاعرے میں کہا گیا کلام 

ــــــــــــــــــــــــ ـــــــــــــــــــــــــــــــــــــ ــــــــــــــــــــــــ 

عشقِ سرکار سے لب ریز ہیں جذبے انمول 

ایسے جذبات زمانے کو ہیں لگتے انمول

دیکھنے والوں نے کیا کیا نہیں دیکھے انمول

سب کے سب ہیں مِرے سرکار کے صدقے انمول

جن کے پر کیف دریچے سے مدینہ دیکھوں 

میری آنکھوں کو تصور کے ہیں پردے انمول

تاج والے بھی یہاں منگتے نظر آتے ہیں 

آپ انمول حضور آپ کے منگتے انمول 

میری تدفین سے پہلے میرے رخ پر مَلنا 

شہرِ طیبہ کی گزرگاہ کے زرّے انمول

جس میں سرکارِ مدینہ کا خیال آ جائے 

سارے سجدوں میں وہی سجدہ ہے سب سے انمول

عرضِ رفعتؔ ہے یہی فکرِ رضا کے صدقے 

مِرے مولیٰ مِرے اشعار بھی کردے انمول

ــــــــــــــــــــــــــــــــ ــــــــــــــــــــــــــــــ رفعتؔ برکاتی

   کلام نمبر 17  

عالمی شہرت یافتہ مقبول ترین شاعری حلقہ 

بنام بزمِ نوری کے 150 واں طرحی نعتیہ مقابلہ 

میں کہا گیا کلام ملا حظہ فرمائیں۔۔۔ 

ــــــــــــــــــــــــ ـــــــــــــــــــــــــــــــ ــــــــــــــــــــــــ 

لب پہ جاری مدحتِ ماہِ رسالت ہو گئی

یوں ہماری زندگی محوے عبادت ہو گئی 

چومتی ہے باادب ان کے قدم فتح و ظفر 

الفتِ شاہِ مدینہ جن کی طاقت ہو گئی

آؤ طیبہ کو چلیں غم کے ازالے کے لئے 

اہلِ دنیا کی بہت منّت سماجت ہو گئی 

بزمِ نوری کی شعاعِ نور کے فیضان سے 

شاعری میں کیسے کیسوں کو مہارت ہو گئی 

 

موت میری یوں ہو طیبہ میں کہ دنیا کہہ اٹھے

جلوہ گاہِ حسن میں حاصل شہادت ہو گئی 

باندھتے ہی گنبدِ خضریٰ کی عظمت کا خیال

بخت چمکا اور معراجِ فراست ہو گئی 

وہ لعیں مردود ہے، شیطان ہے، ابلیس ہے 

اہلِ حق سے جس کسی کو بھی عداوت ہو گئی

اہلِ عرفاں اپنی پلکوں پر بٹھاتے ہیں اسے  

جس کو بھی شاہِ مسولی سے ارادت ہو گئی 

اب تو اے سرکارِ مہسی کیجئے چشمِ کرم 

دیکھئے ہندوستاں کی کیسی حالت ہو گئی 

لکھ دیا جب مفتیٔ اعظم نے ” وقعات السنان “ 

جانِ اشرف تھانوی پر پھر تو آفت ہو گئی

روبرو آقا کے رفعتؔ مَیں پڑھوں گا یہ کلام 

حشر میں گر نعت خوانی کی اجازت ہو گئی

از قلم ــــــــــــــــــــــــ ــــــــــــــــــــــــ رفعتؔ برکاتی

کلام نمبر 18 

ذوقِ سخن شاعری گروہ کے ١٠٧ ویں 

طرحی نعتیہ مشاعری میں فی البدیہ

 کہا گیا کلام احباب کی نذر 

ـــــــــــــــــ ـــــــــــــــــــــــ ـــــــــــــــــ 

رحمتِ کبریا خاتم الانبیاء 

مصطفےٰ، مرتضیٰ خاتم الانبیاء

میرے حاجت روا خاتم الانبیاء

شاہِ ہر دوسرا خاتم الانبیاء

صدقہ حسنین کا آل و اصحاب کا

ہو ہمیں بھی عطا خاتم الانبیاء

اپنی چشمِ عطا سے جگا دیجئے 

بختِ خفتہ مِرا خاتم الانبیاء

مومنو! آؤ ہم سب پڑھیں باادب

ربِّ سَلِّم عَلیٰ خاتم الانبیاء

مصدرِکل جہاں محورِانس وجاں

آپ ہیں سروَرا خاتم الانبیاء

سنیو! سن لو یہ ہے عقیدہ مرا

ہیں حبیبِ خدا خاتم الانبیاء

کاش!رفعتؔ کوبھی آپ کردیں عطا

جامِ دیدار یا خاتم الانبیاء

از ــــــــــــــــــــــــــــ ــــــــــــــــــــــــ رفعتؔ برکاتی

کلام نمبر 19 

ذوق سخن شاعری گروپ کے ٨٣ ویں نعتیہ 

طرحی مشاعرہ میں کہا گیا کلام ملاحظہ ہو

ــــــــــــــــــــــــــــــــ ــــــــــ ــــــــــــــــــــــــــــــــ 

ان کو ہوگئی حاصل ہر خوشی مدینے میں 

پا رہا ہے جو لطفِ زندگی مدینے میں

یہ مِرا عقیدہ ہے جنّتی ہے وہ بے شک 

جس کو موت ایماں پر آ گئی مدینے میں

حسن ودلکشی بھی خوددیکھتی ہےحسرت سے 

خاکِ راہ ہے ایسی دیدنی مدینے میں 

بالیقیں مقدر کا ہو گیا سکندر وہ 

مل گئی ہے جس کو بھی نوکری مدینے میں 

عاشقوں کے سینے میں مشترک ہے یہ خواہش 

کاش! ہو ہماری بھی حاضری مدینے میں 

زیرِ گنبدِ خضریٰ جا کے ایک دن رفعتؔ 

باادب کروں گا میں شاعری مدینے میں 

از قلم ـــــــــــــــــــ ـــــــــــــــــــ رفعتؔ برکاتی

کلام نمبر 20 

ذوقِ سخن شاعری گروپ کے ٨٢ واں ہفتہ وار

طرحی نعتیہ مشاعرہ میں کہا گیا کلام 

 ــــــــــــــــــــــــــــــــ ــــــــــ ــــــــــــــــــــــــــــــــ 

نصیب والوں کو رب یہ کمال دیتا ہے 

نبی کے عشق کے سانچے میں ڈھال دیتا ہے 

غموں کے بحر سے فوراً نکال دیتا ہے 

نبی کا ذکر مصیبت کو ٹال دیتا ہے 

نبی کے نام پہ کشتی جو ڈال دیتا ہے 

وہ ڈوبتا ہے تو دریا اچھال دیتا ہے  

جو مانگتا ہے توسل سے آپﷺ کے،اس کو 

خدائے پاک علی الاتصال دیتا ہے 

جہاں بھی عاشقِ صادق کی بات آ جائے 

زمانہ عشقِ رضا کی مثال دیتا ہے 

رسولِ پاک پہ رفعتؔ دُرود کا پڑھنا 

گلِ حیات کو حسن و جمال دیتا ہے 

از قلم ـــــــــــــــــــ ـــــــــــــــــــ رفعتؔ برکاتی

یار غارِ رسول ﷺ ، امیر المؤمنین حضرت ابوبکر صدیق رضی اللہ تعالیٰ عنہ کی بارگاہ میں خراجِ عقیدت 

ــــــــــــــــــــــــ ــــــــــــــــــــــــــــــــــ ــــــــــــــــــــــــ

مثالِ صداقت ہیں صدیقِ اکبر

بڑے نیک خصلت ہیں صدیقِ اکبر

مخل مت ہو اے مارِ مشتاق رک جا 

کہ محوِ زیارت ہیں صدیقِ اکبر

جو ہیں منکرینِ زکوٰة ان کے حق میں 

بڑے سخت شدت ہیں صدیقِ اکبر

ببانگِ دہل یہ زمانے سے کہہ دو 

شہیدِ محبت ہیں صدیقِ اکبر

عمر اور عثمان و حیدر پہ جن کو 

 ہے حاصل فضیلت ہیں صدیقِ اکبر

نہ کیوں ہو زمانہ فدا ان پہ رفعتؔ

کہ جانِ عقیدت ہیں صدیقِ اکبر

ــــــــــ ـــــــــ ــــــــــــــــــــــــ رفعتؔ برکاتی

کلام نمبر5 👇👇

ذوقِ سخن شاعری گروپ کے ٥٨ واں مشاعرے

میں کہے گئے اشعار حباب ملاحظہ فرمائیں۔۔۔ 

ــــــــــــــــــــــــ ــــــــــــــــــــــــــــــــــ ــــــــــــــــــــــــ 

چلی ہے عشق کی بادِ بہاری حافظِ ملت 

ہوئی شاداب کشتِ دل ہماری حافظِ ملت 

اداؤں میں مکمل خاکساری حافظِ ملت 

مثالی آپ کی تقویٰ شعاری حافظِ ملت

وفورِ عشق و الفت میں شہا قرطاسِ دل پر میں 

تصوُّر میں کروں روضہ نگاری حافظِ ملت 

بشکلِ اشرفیّہ آپ کا بے شک زمانے میں 

رہے گا حشر تک فیضان جاری حافظِ ملت

ہمیں ہے آپ سے نسبت تبھی تو رشک کرتا ہے 

زمانہ دیکھ کر قسمت ہماری حافظِ ملت

ملا جن کو تصدُّق آپ کے در سے انہیں دیکھا

گزارے وہ حیاتِ با وقاری حافظِ ملت 

"فقیہِ ملت" و "بحر العلوم" اب پھر عطا کیجے 

کہ پھر سے سر ہے فتنوں نے ابھاری حافظِ ملت 

خدارا کیجئے چشمِ کرم ہے عرض گو رفعتؔ 

وطن میں ہر طرف ہے بے قراری حافظِ ملت

ــــــــــــــــــ

ــــــ ـــــــــ ــــــــــــــــــــــــ رفعتؔ برکاتی